Yeni İslam dövləti – Dünyanın Vatikandan da kiçik dövləti qurulur
Dünyanın Vatikandan da kiçik dövləti qurulur. Bu İslam dövləti olacaq. Belə bir ölkənin yaradılması Avropada – Balkan yarımadasının cənub-qərbində yerləşən Albaniyada nəzərdə tutulub. Belə ki, Albaniya özünün "Vatikan şəhəri"ni yaratmağı planlaşdırır. Lakin bu şəhər İslami şəhər olacaq.
Hər şey planlaşdırıldığı kimi getsə, Paytaxt Tiranada yaradılacaq
yeni mikro dövlət "Bəktaşi Təriqətinin Suveren Dövləti" adlanacaq. Nəticədə
isə bu dövlət, Vatikan şəhərinin yalnız 1/4-i böyüklüyündə, dünyanın ən kiçik
dövləti olacaq. Bu 10 hektarlıq torpaq sahəsinin öz idarəetməsi, pasportları və
sərhədləri olacaq.
Son siyahıyaalmaya görə 2,4 milyon nəfər əhalisi olan Albaniyada
1,1 milyon nəfər müsəlman var. Onların da 115.644 nəfəri Bəktaşi təriqətinə mənsubdurlar.
Dərviş "Baba Mondi" təriqətin hazırki ruhani lideridir.
İslam dinində mövcud təriqətlərdən biri olan sufi inanclı
Bəktaşilik müəyyən qədər şiəliyə yaxındır. XIII əsrdə Türkiyədə qurulub, Osmanlı
Türkiyəsində Yeniçərilərin ideoloji təriqəti hesab olunub.
Yeni qurulacaq dövlət də məhz Bəktaşi Təriqətinin dini
anlayışı ilə idarə olunacaq. Dini dözümlülük anlayışı üzərində qurulacaq yeni
dövlətdə alkoqol qadağası olmayacaq, qadınlara istədikləri kimi geyinməyə icazə
veriləcək və Bəktaşi Təriqətinin tolerant modellərini əks etdirmək üçün heç bir
həyat tərzi qaydası tətbiq olunmayacaq.
Hazırda mütəxəssislərdən ibarət qrup Albaniya daxilində qurulacaq
yeni dövlətin suveren statusunu müəyyən edəcək qanunvericilik üzərində işləyir.
Albaniyanın Baş naziri Edi Rama yeni dövlətin məqsədinin
"Albaniyanın fəxr etdiyi İslamın tolerant versiyası"nı təbliğ etmək
olduğunu bildirib. "Biz dini dözümlülük xəzinəsinə sahib çıxmalıyıq"
deyərək, o, vurğulayıb.
Yorumlar
Yorum Gönder
Burada şərhinizi yaza bilərsiniz.