Azərbaycanın ilk kriptovalyuta şirkəti — "Crypto Consulting" MMC

Kriptovalyuta dünyası son illərdə xeyli inkişaf edib. Pandemiya zamanı isə bu sahəyə maraq daha da artdı. Xüsusilə də internetin əlçatanlığı təmin olunduqca, insanlar kriptovalyuta  dünyası ilə daha yaxından tanış olmağa başladılar. Artıq bu bazarda böyük pullar və böyük oyunçular var. Riskləri də kifayət qədər təcrübə və bilik tələb edir. Azərbaycanda da bu sahəyə çox böyük maraq var. "Kriptovalyuta nədir?" sualının cavabı ilə artıq çox adam maraqlanır. Şəxsən tanıdığım və ya yeni tanış olduğum əksər insanlarla bu haqda dəfələrlə söhbətlərim, fikir mübadiləmiz olub. Bu maraq məni ölkəmizdə bu sahədəki vəziyyəti araşdırmağa sövq etdi. İlk növbədə təbii ki, bunun rəsmi tərəfi ilə maraqlanmağa başladım.

Çox aktual və gələcəyi olan bu sahə ilə bağlı ölkəmizdə ciddi boşluqlar var idi. Amma bu ildən vəziyyət dəyişməyə başlayıb. Artıq ölkəmizdə ilk kriptovalyuta şirkəti — "Crypto Consulting" MMC təsis olunub və fəaliyyət göstərir. Oxuduğunuz bu məqaləni də bilavasitə həmin şirkətin tanıtımı kimi qəbul edə bilərsiniz. Belə şirkətlərin mövcudluğu, xüsusilə də maarifləndirmə işində onların rolu vətəndaşlarımızın bu sahə ilə bağlı suallarına cavab tapmaqda həm kömək edə bilər, həm də kriptovalyuta dünyasında onların səmərəli fəaliyyəti ilə nəticələnə bilər. Çünki hazırda bu məsələnin ən vacib tərəfi budur. İnsanlarımız buna hazır olmazsa, bəlkə də bir neçə ildən sonra bunun əziyyətini çəkə bilərlər.

Şirkətin loqosu. Mənbə: kriptoinvest.az

Elnur Quliyev.
Mənbə: Facebook profili

"Crypto Consulting" Məhdud Məsuliyyətli Cəmiyyəti rəqəmsal aktivlər və blokçeyn texnologiyası mövzusunda təlim və özəl konsultasiya xidmətləri təqdim edən, həmçinin, Azərbaycanda bu fəaliyyət istiqaməti üzrə rəsmi qeydiyyatdan keçmiş ilk kriptovalyuta şirkətidir.

Dövlət qeydiyyatına alındığı tarix 19.02.2021-ci il, VÖEN-i isə 1805230961-dir. "Crypto Consulting" MMC-nin təsisçisi və direktoru müvafiq sahə üzrə ölkəmizdə ən tanınmış mütəxəssislərdən biri olan Elnur Quliyevdir.

Şirkətin əsas məqsədi Azərbaycanda maliyyə savadlılığının artırılması, rəqəmsal aktivlər və innovativ texnologiyalar üzrə maarifləndirmə tədbirlərinin həyata keçirilməsi və rəqəmsal maliyyə resurslarına çıxış imkanlarının asanlaşdırılmasına töhvə verməkdir.

"Crypto Consulting" MMC-nin əsas fəaliyyət istiqamətləri bunlardır:

• təhsil müəssisələri, dövlət və özəl sektoru təmsil edən idarələr üçün təqdimat, seminar və vörkşopların (workshop) keçirilməsi;
• investorlar üçün rəqəmsal aktivlər üzrə investisiya tövsiyyələri və investisiya portfelinin idarə edilməsi üzrə konsultasiya;
• individual təlim paketi: nəzəri və praktiki biliklərin öyrədilməsi;
• rəqəmsal texnologiyalar üzrə müvafiq tədqiqat və araşdırmaların aparılması;
• ETF investisiyalar üzrə konsultasiya;
• startap layihələrə maliyyə resurslarının (crowdfunding) cəlb edilməsi;
• biznesin tokenizasiyası.

"Crypto Consulting" MMC Azərbaycanda ilk dəfə olaraq korporativ şirkətlər, potensial investorlar və sıravi vətandaşlar üçün rəqəmsal aktivlər və kriptovalyuta ticarəti üzrə 2 təlim paketi təklif edir:

1. Rəqəmsal aktivlər investisiya aləti kimi: mahiyyəti və əsas xüsusiyyətləri.
2. Mini Trader.

Müvafiq təlimlərlə bağlı ətraflı məlumatı şirkətin saytından əldə edə bilərsiniz.

Saytın loqosu. Mənbə: kriptoinvest.az

"Crypto Consulting" MMC-yə aid olan kriptoinvest.az portalı hazırda bu sektor üzrə maarifləndirmə işlərinin aparılması ilə aktiv məşğul olur. Kriptoinvest.az saytının yaradıcısı da şirkətin təsisçisi Elnur Quliyevdir. Şirkətdən əvvəl – 2017-ci ildə yaradılmış bu sayt kriptovalyuta və blokçeyn texnologiyası haqqında Azərbaycan dilində olan ilk milli resursdur. Bu layihənin əsas məqsədi oxuculara rəqəmsal texnologiyalar, blokçeyn (blockchain), İCO, DeFi və kriptovalyuta sənayesi barədə dünyada baş verən ən son, ən maraqlı xəbərləri operativ olaraq çatdırmaqdır. Bundan əlavə olaraq, saytda dünyada və Azərbaycanda baş verən iqtisadi, sosial və ümumiyyətlə faydalı ola biləcək xəbər və məqalələr yerləşdirilir.

Mənbə: kriptoinvest.az